ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ

Կնքվեց համաձայնագիր ՀՀ ԿԳՆ Գյումրու թիվ 1 ավագ դպրոցի և ՀՀ ՊՆ                  

Ա. Խանփերյանցի անվան ռազմական ավիացիոն ինստիտուտի միջև , ըստ որի Գյումրու թիվ 1 ավագ դպրոցի աշակերտները , հանդիսանալով նշված ՌՈՒՀ-դիմորդներ , կունենան մի շարք արտոնություններ ընդունելության ժամանակ, ինչպես նաև կանցկացնեն գործնական դասընթացներ ռազմական ավիացիոն ինստիտուտում:

Հայոց եռագույնի կողքին ծածանվեց նաև թիվ 1 –ի հաղթական դրոշը:

Գյումրու թիվ 1 ավագ դպրոցը իր կենսագրության հաստափոր մատյանի օրացույցում թերթեց ևս մի նշանավոր էջ ` 29.01.2015:

Շնորհավորելով Հայոց Ազգային բանակի 23 ամյա հոբելյանը ՝ Հայոց եռագույնի կողքին ծածանվեց նաև թիվ 1 –ի հաղթական դրոշը: Հանդիսավոր արարողությամբ կնքվեց համաձայնագիր ՀՀ ԿԳՆ Գյումրու թիվ 1 ավագ դպրոցի և ՀՀ ՊՆ                   Ա. Խանփերյանցի անվան ռազմական ավիացիոն ինստիտուտի միջև , ըստ որի Գյումրու թիվ 1 ավագ դպրոցի աշակերտները , հանդիսանալով նշված ՌՈՒՀ-դիմորդներ , կունենան մի շարք արտոնություններ ընդունելության ժամանակ, ինչպես նաև կանցկացնեն գործնական դասընթացներ ռազմական ավիացիոն ինստիտուտում:

Միջոցառմանն իրենց ներկայությամբ էին պատվել ՀՀ Շիրակի մարզպետ Ֆ. Ցոլակյանը, մարզպետի խորհրդական Հ. Կիրակոսյանը, ՀՀ Պն ռազմաավիացիոն ինստիտուտի պետի տեղակալ գնդապետ Ալեքսանյանը, Գյումրու զինվորական կոմիսար Գ. Խաչատրյանը, Գյումրու մշակույթի բաժնի պետ Ա. Մկրտչյանը, ՀՀ ԵԿՄ Շիրակի մարզային վարչության նախագահ Յ. Ալեքսանյանը, ՀՀ ԵԿՄ Գյումրու տարածքային վարչության պետը, Շիրակի մարզի սպորտի վարչության պետ Վ. Վարդանյանը, ԳՊՄԻ –ի ռազմական ամբիոնի ներկայացուցիչները, <<ԱՐԱՔՍ>> ՀԿ ի նախագահը, ինչպես նաև ազատամարտիկներ և վետերաններ:

Միջոցառումը 2 մասով ընթացավ, 1-ին հատվածում հանդիսավոր կերպով ՀՀ դրոշի ներքո հնչեց ՀՀ պետական օրհներգը, զինղեկի պաշտոնական ելույթով շնորհավորանքից հետո սկսվց միջոցառման 2- րդ հատվածը, որի ժամանակ աշակերտներն իրենց վառ դերասանական տվյալներով փայլեցին բեմում ՝ խաղալով մի հուզիչ ներկայացման մեջ, որտեղ մարմնավորած իրենց կերպարներով չափազանց տպավորիչ ու ազդեցիկ կերպով ներկայացրին ՀՀ Ազգային բանակի կառուցման դժվարություններն ու ժամանակաշրջանը:Երբ ճակատում քաջ հայորդիներն առանց զենքի, միայն ռազմատենչ ոգով ազատագրում էին Արցախը , իսկ թիկունքում նորանկախ հայ հողից ու ջրից , կամքից ո ոգուց ծնվոմ էր ՀԱյոց բանակը:Ներկայացումը մեծ տպավորություն գործեց ներկաների վրա:

Ավարտին աշակերտները, խոնարհվելով անմար կրակի առաջ, երդվեցին մեր մի բուռ հայրենիքը մի բռունցք դարձնել և արժանի հետնորդը լինել մեր նախնիների , որպեսզի մեր խաղաղության երկնակամարում փայլող աստղը հավերժ վառվի աշխարհի մթնում և որ հարատև լինի հայոց երթը դեպի հավերժություն:

Եվ Գյումրու թիվ 1 ավագ դպրոցի աշակերտների հայրենասիրական ոգեկոչը ամփոփվեց մարզպետի շնորհավորանքով , ապա ամրագրվեց  Գյումրու թիվ 1 ավագ դպրոցի և ՀՀ Պն ռազմական ավիացիոն ինստիտուտի միջև համաձայնագրի ստորագրմամբ:

Թափուր աշխատատեղ

Հայտարարվում է մրցույթ  ՀՀ Շիրակի մարզի «Գյումրու թիվ 1 ավագ դպրոց» ՊՈԱԿ-ի  հայոց լեզվի  և գրականության  /12 դասաժամ/, պատմության /12 դասաժամ/, եկեղեցու պատմության /8 դասաժամ/, ֆիզկուլտուրայի  /12 դասաժամ/     ուսուցչի թափուր տեղերի համար:

Ուսուցչի պաշտոնի համար նախատեսված վարձատրությունը որոշվում է՝ ըստ դասաբաշխման:

Մրցույթի մասնակիցների գիտելիքների և մասնագիտական կարողությունների ստուգումն անցկացվելու է երկու փուլով՝ գրավոր և բանավոր՝ ըստ ՀՀ ԿԳ նախարարության կողմից հաստատված հարցաշարերի:

Մրցույթին մասնակցելու համար անձը հանձնաժողովին  է  ներկայացնում՝

1. Հանձնաժողովի անունով գրավոր դիմում՝ նշելով այն աշխատատեղը, որին հավակնում է  /Ձև  1/,
2. Փաստաթուղթ /դիպլոմ/՝ «Հանրակրթության մասին» ՀՀ օրենքի 26-րդ հոդվածի 1-ին մասի պահանջին համապատասխան որակավորման վերաբերյալ,
3. Անձնագրի պատճենը,
4. Ինքնակենսագրություն /Ձև 4/
5. Թափուր աշխատատեղը զբաղեցնելու համար մասնագիտական գիտելիքներին  և աշխատանքային ունակություններին ներկայացվող   պահանջների բավարարումը հավաստող փաստաթղթերի, հավաստագրերի պատճենները  /դրանց առկայության դեպքում/,
6. Մեկ լուսանկար՝  3 X  4  չափի,
7. Այլ պետությունների քաղաքացիները՝ Հայաստանի Հանրապետությունում աշխատելու իրավունք,
8. ՀՀ արական սեռի քաղաքացիները ներկայացնում են նաև զինգրքույկ:

Փաստաթղթերի պատճենները պետք է ներկայացնել բնօրինակների հետ: Փաստաթղթերն ընդունվում են սույն հայտարարության հրապարակման օրվանից մինչև դեկտեմբերի 23-ը ներառյալ՝ ամեն օր ժամը 10:00-15:00, բացի շաբաթ և կիրակի օրերից: Փաստաթղթերի ընդունումը կանցկացվի՝ ըստ կարգի:

Մրցույթը տեղի կունենա դեկտեմբերի 26-ին՝ ժամը 13:00-ին, Շիրակի մարզի Գյումրու թիվ 1 ավագ դպրոցում:

Տեղեկությունների համար զանգահարել՝   /0312/ 5-83-96 հեռախոսահամարով:

1 օր Մայքլ և Վիրջինիա Օհանյանների անվան բնապահպանական կրթության կենտրոնում

UWC Դիլիջանի միջազգային դպրոցի սաները հյուրընկալվեցին թիվ 1 ավագ դպրոցին:

Այց Հովհաննես Թումանյանի թանգարան

   Գյումրու  թիվ  1 ավագ  դպրոցի  հայոց  լեզվի և գրականության ուսուցչուհի Նարինե Հովհաննիսյանի  նախաձեռնությամբ  VIII  դասարանի աշակերտներն  ու  դասղեկ` Էլլա  Չոմարյանը կատարեցին  ճանաչողական  այց  Երևանի Թումանյանի թանգարան:                                                                                                                              Նրանց  դիմավորեց  թանգարանի  տնօրեն   Ն.  Թուխիկյանը, այնուհետև  ուղեկցորդի ուղեկցությամբ  շրջեցին  սրահներում`  ծանոթացան  գրողի կենսագրության մանրամասներին,  ակնդիր  դարձան  թանգարանի  նորամուծություններին:            Քանի  որ  այցի  նպատակը  ճանաչողական  էր  և  առնչվում  էր  հայ  գրականության ծրագրային  թեմաներին`  հընթացս  այցելեցին Պատմության  թանգարան`  շրջելով  ինչպես  հնադարյան   պեղածոների,  Հայաստանի  մայրաքաղաքների  և  ճարտարապետական  հուշարձանների  մանրակերտները  ներկայացնող  սրահներում,  այնպես  էլ  միջնադարյան  և  XIX – XX դ.դ.  հերոսների  զենք  ու  զրահը ներկայացնող  սրահներում:

 Երևանի  կատարած  այցելությունն  ավարտվեց  Ծիծեռնակաբերդ  կատարած  այցով`  ի  խնկարկում  Հայոց  եղեռնի  զոհերի  հիշատակի:

Շրջայցի  նպատակն  էր  հայրենասիրական  դաստիարակության,  ազգային  մշակույթի  և  արժեքների  գնահատում  և  դրանց  պահպանմանն  ուղղված սրտացավ  վերաբերմունք:

Մասնագիտական կողմնորոշման ճանապարհին

Գյումրու թիվ 1 ավագ դպրոցի աշակերտները այս նպատակով   օրերս    այցելեցին  Գյումրու  <<Լենտեքս>> գուլպանասկեղենի  արտադրամաս:   Մանրակրկիտ ուսումնասիրեցին և ծանոթացան արտադրական գործընթացին: