ԳՅՈՒՄՐՈՒ ԹԻՎ 1 ԱՎԱԳ ԴՊՐՈՑ

среда, 18 марта 2015 г.

Բաց դաս

Գյումրու թիվ 1 ավագ դպրոցում 17.03.2015թ. անցկացվեց Բաց դաս X ա դասարանում կենսաբանություն առարկայից Գենային և Քրոմոսոմային մուտացիաներ թեմայով։

Աշակերտները խոսեցին Մուտացիաների առաջացման պատճառների, դրանց հետևանքով առաջացած հիվանդությունների բնույթի հանդիպման հաճախականության մասին։

Խոսվեց Մենդելյան միագենային հիվանդությունների /Ֆենիլկետոնուրիա, Հեմոֆիլյա, Պուդոգրա/ բազմագործոնային հիվանդությունների ստամոքսի խոց, չարորակ ուռուցքներ և քրոմոսոմային համախատանիշների՝ Դաունի համախտանիշ, Էդվարդսի համախտանիշ, Պատաուի համախտանիշ, Մարֆանի համախտանիշ և այլն։

Նյութը ներկայացվեց տեսանյութերի ամինացիաների սլայդների տեսքով։ Երեխաները դասը ներկայացրեցին հետաքրքրական նյութերով և վարժ խոսքով։ Դասի նպատակն էր տեղեկացնել մուտացիաների հանդիպման հաճախականության և հիվանդությունների պատճառների և բուժման մասին։

пятница, 13 марта 2015 г.

"Праздник русского языка и русской культуры"

Սիրով տեղեկացնում ենք, որ "Праздник русского языка и русской культуры" գիրքն իր էջերում տեղ է հատկացրել մեր դպրոցի գեղեցկուհի Մանուշակ Ղուկասյանի փայլուն ելույթին, մենք ևս շնորհավորում ենք մեր սիրելի աղջնակին՝ ցանկանալով նորանոր հաջողություններ մշակույթի և գիտության ոլորտներում։

вторник, 3 марта 2015 г.

Գարեգին Նժդեհ

Գյումրու թիվ 1 ավագ դպրոցում VI դասարանի աշակերտների մասնակցությամբ և դասղեկ Ա. Գրիգորյանի ղեկավարությամբ անցկացվեց <<Հայրենապաշտական դաս>>՝ նվիրված Գարեգին Նժդեհին: Դասղեկի պատգամն էր աշակերտներին միշտ բարձր պահել հայրենասիրության վեհ առաքինությունը, քանի որ հայը բոլոր դարերում էլ կարողացել է, իր գութանի մաճին ապավինած, միշտ հպարտ կանգնել:

Աշակերտները մեծ ոգևորությամբ ներկայացրեցին Գարեգին նժդեհի պատգամները, կատարեցին հայրենասիրական երգեր և երդվեցին, որ թշնամին երբեք չի խլի իրենց առյուծաշունչ ոգին, իսկ իրենք կմնան հպատակն ու մարտիկն իրենց ազգի:

Դասի նպատակն էր աշակերտներին դաստիարակել ազգային բարձր գաղափարներով, պարուրվել հայրենասիրական ոգով, որը կբռունցքվի դեպի երկինք և թույլ կտա անշեջ անցնելու մեր ճանապարհը:

вторник, 24 февраля 2015 г.

<< Հրաշքով լի կյանք >>

<< Հրաշքով լի կյանք >> ծրագրի շրջանակներում 24.02-ին Գյումրու թիվ 1 ավագ դպրոցում << Հրաշքը >> վեպի 7-րդ քնարկումն էր…Աշակերտների 20 հոգանոց խումբը խոսում էր գրքի հերոսի ՝Օգիի և նրա ընկերների մասին , քննարկումն անցկացրին <<ընկեր>> և <<ընկերություն>> հասկացությունների շուրջ : Առաջին հատվածում օնլայն քննարկումն անցկացվեց Սիսիանի ավագ դպրոցի աշակերտների հետ, ապա տեղում ձևավորված խմբերով աշակերտները իրենց կարծիքներն արտահայտեցին ինչպես գրքում հերոսների փոխհարաբերությունների ու ընկերների վերաբերյալ, այնպես էլ մեր առօրյայում ձևավորվող ընկերական հարաբերությունների ու անկեղծության վերաբերյալ: Քննարկմանը ներկա էին <<Ագաթ>> ՀԿ-ի, << Արաքս >> ՀԿ-ի Գյումրու երեխաների սոցիալական հոգածության կենտրոնի և << փրոջեքտ հարմոնի >> կազմակերպության ներկայացուցիչները :

понедельник, 23 февраля 2015 г.

ԴԱՐՁՅԱԼ ՄԵՆՔ

ՄԱԿ-ի հանրային տեղեկավտության երևանյան գրասենյակի կողմից կազմակերպված Մայրենի լեզվի օրվան նվիրված ակնարկի մրցույթին մասնակցեց նաև Նարեկ Անդրանիկի Թադևոսյանը և ճանաչվեց հաղթող:
Շնորհավորում ենք Նարեկին և դպրոցի հանրույթին:

пятница, 20 февраля 2015 г.

Օ’, գրքերի աշխարհը տիեքերք է անեզր

Գյումրու թիվ 1 ավագ դպրոցի աշակերտները պատրաստել էին միջոցառում Գրքի նվիրատվության օրվա կապակցությամբ:

Երեխաները միջոցառումը վերնագրել էին Օ’, գրքերի աշխարհը տիեքերք է անեզր:

Շատ հազարամյակներ առաջ գիրքը մարդկության լավագույն ներկայացուցիչների ձեռքին դարձել է ճշմարտության և արդարության համար նրանց պայքարի գլխավոր զենքերից մեկը և հենց այդ զենքն է այդ մարդկանց տվել ահռելի ուժ:

Երկրագիտական թանգարանը Գյումրու թիվ 1 ավագ դպրոցին նվիրատվեց 100 կտոր գիրք:

пятница, 13 февраля 2015 г.

Վնասակար սովորություններից խուսափելու ձևը երբեք չփորձելն է:

Այսօր Գյումրու թիվ 1 ավագ դպրոցում կայացավ <<Վնասակար սովորությունների ազդեցությունն օրգանիզմի վրա>> սեմինարը, որին մասնակցում էին X-XII դասարանների աշակերտները: Սեմինարի նպատակն էր բացասական դիքորոշում ձևավորել վնասակար սովորությունների նկատմամբ, կարևորել առողջության վրա դրանց օգտագործման հետ կապված վտանգների իմացությունը: Աշակերտները ներկայացրին թեմայի վերաբերյալ ռեֆերատներ, ուսուցչուհին մանրամասն խոսեց վնասակար սովորությունների ազդեցության, կախվածության հետևանքների մասին, դիտեցին տեսանյութեր:

Վերջում անցկացվեց քննարկում և աշակերտները լրացրեցին թեստեր:

среда, 18 марта 2015 г.

пятница, 13 марта 2015 г.

вторник, 3 марта 2015 г.

вторник, 24 февраля 2015 г.

понедельник, 23 февраля 2015 г.

пятница, 20 февраля 2015 г.

пятница, 13 февраля 2015 г.

Translate