среда, 11 июня 2014 г.
<< Կենգուրու>> 2014 միջազգային մրցույթ
Գյումրու թիվ 1 ավագ դպրոցի սաները իրնց մասնակցությունն էին ցուցաբերել << Կենգուրու>> միջազգային մրցույթին և ստացել մրցանակներ ու պատվոգրեր:
<< Մենք կողմ ենք առողջ ապրելակերպին >>
<< Մենք կողմ ենք առողջ ապրելակերպին >> առաջնորդվելով այս կարգախոսով, մեր աշակերտները մասնակցեցին SH ընկերության կողմից կազմակերպած << Ոչ’ ծխախոտին >>բարեգործական ակցիային
Համադպրոցական շքերթ
Գյումրու թիվ 1 ավագ դպրոցում մեկնարկվել էր ռազմահայրենասիրական դաստիարակության ուղղությամբ անցկացվող << Դեպի հավերժություն>> խորագիրը կրող միջոցառումների միամսյակ: Եվ այդ միջոցառումների եզրագիծը մայիսի 20-ին տեղի ունեցած տոնակատարությունն էր` նվիրված հայ ժողովրդի մայիսյան պանծալի հաղթանակներին և ՆԶՊ առարկայի ավարտին: Միջոցառումը բաղկացած էր 2 մասից:Առաջին մասը հանդիսավոր հատվածն էր, որը տեղի ունեցավ դպրոցի բակում: Հնչեց ՀՀ օրհներգը ,այնուհետև դպրոցի օրհներգը , զինվորականներն ու աշակերտներն անցան շքերթով, տեղի ունեցավ աշակերտների պարգևատրում, շնորհակալագրեր հանձնվեցին դպրոցին աջակցող կազմակերպություններին, իսկ ավարտին երաժշտական համարներով հանդես եկան դպրոցի շրջանավարտները:
Միջոցառման 2-րդ հատվածն անցկացվեց հանդիսությունների դահլիճում, ուր 8-12-րդ դասարանների աշակերտները խաղացին
<< Հնչեցրե՛ք զանգերը>> ներկայացումը, որտեղ հուզիչ տեսարաններով ներկայացրին 1990 –ականների լարված իրավիճակը և պատերազմական գործողությունները ճակատում:
Տեսարանն այնքան հուզիչ էր և իրական, որ մի պահ ներկաներին թվաց, թե գտնվում են ոչ թե դպրոցի դահլիճում ,այլ պատերազմական գոտում. բեմահարթակում խրամատներ էին, խարույկի շուրջը նստած զինվորներ,որոնց շուրթերին << Թռչեի մտքով տուն>> երգն էր:
Միջոցառման ավարտին իրենց տպավորություները կիսեցին միջոցառման հյուրերը: Միջոցառումը եզրափակեց դպրոցի տնօրենը` իր գեղեցիկ և հայրենասիրական ոգեկոչման խոսքով:
Հրաժեշտ կրտսեր դպրոցին
<< Մոր պես սուրբ ես, հող իմ հայրենի>>:
Գյումրու թիվ 1 ավագ դպրոցում տեղի ունեցավ 4-րդ դասարանցիների հրաժեշտի հանդեսը: Միջոցառման թեման էր մայր, հայրենիք, ուսուցիչ և հրաժեշտ կրտսեր դպրոցին:Միջոցառման սկզբում Ա. Ավետիսյանի << մայրիկ>> երգի հնչյունների ներքո էկրանին 4-րդ դասարանի աշակերտների լուսանկարներն էին, իրենց մայրիկների հետ , իսկ վերջում , իբրև երկրորդ մայր , դասարանն` առաջին ուսուցչի հետ: Երեխաները հուշանվերներ բաժանեցին իրենց ծնողներին , մեծարեցին մայրերին` համարելով նրանց << Երկիրը պահող, ոսողի դեմ վահան>>: Այնուհետև բեմ բարձրացան հայկական դրոշով և փառաբանեցին ու գովերգեցին հող հայրենին, հատվածներ ներկայացրին մեր պատմության արյունոտ էջերից: Այնուհետև երգեցին , պարեցին հայկական պարեր, նվագեցին քանոն կիթառ: Միջոցառման 2-րդ հատվածում աշակերտները ներկայացրին նաև ռուսական մշակույթը, երգեցին ռուսական երգեր, պարեցին ռուսական պարեր: Աշակերտներն առանց կաշկանդվելու ռուսերեն լեզվով երախտիքի խոսքեր հղեցին ծնողներին և ուսուցիչներին, կատակեցին, ներկայացրին իրենց դասարանը, գովերգեցին աղջիկներին և երգ նվիրեցին ուսուցիչներին:
Վերջում փոքրիկ Սիրանուշն իր նազանի պարով հավատացրեց,որ գալիքը հուսալի է և պայծառ: Այնուհետև աշակերտները հավասարեցնելով երկու սրբությունները մայր և հայրենիք, ապացուցեցին ,որ գալիս է ազնիվ, կորովի և հարազատ նոր սերունդ, որն անպայման կիրականացնի պապերի դարավոր երազանքը, հպարտ են իրենց արմատներեվ, պատմական ձեռքբերումներով և վստահ գնում են դեպի հավերժություն:
Подписаться на:
Сообщения (Atom)