«ԴԱՍ ԱՆԻՎՆԵՐԻ ՎՐԱ»
… Սեպագիր արձանագրություն, միջնաբերդ, ջրատար խողովակներ, մարտակառք,
թաղման ծեսեր… այս ամենը տպավորիչ դարձնելու նպատակով թիվ 1-ի հերթական ոչ ֆորմալ ձևաչափով
ամփոփիչ դասն անցավ հայոց քաղաքակրթության Մերձավոր արևելքի ժամանակի ամենահզոր բերդ-ամրոցներից
մեկում՝ Արին-Բերդում։ Վայր, ուր կառուցվեց հինավուրց Հռոմից 29 տարի առաջ ծնունդ առած
Էրեբունին։ Աշակերտները, զբոսավարին զարմացնելով ու հիացնելով իրենց գիտելիքներով,
քայլեցին մեր դարավոր փառահեղ անցյալի ոտնահետքերով. Վանի թագավորությունից, Սարդարապատից
մինչև մեր օրեր։ «Վանի թագավորության» ամփոփիչ դասն իր եզրագծին հասավ Հայոց ազգագրության և ազատագրական պայքարի պատմության ազգային թանգարանում։ Իսկ ամենուր հնչող
զանգի ղողանջները, կարծես ողջունելով նոր սերնդին, ուղեկցեցին ամբողջ դասի ընթացքում՝
հիշեցնելով ու պարտավորեցնելով նրանց հարստացնել
իրենց գիտելիքները և շարունակել գլորվել մեր անցյալի պատմության էջերով…
Комментариев нет:
Отправить комментарий