Հատուցումը եղեռնի, երբ էլ լինի կհառնի

Հատուցումը եղեռնի, երբ էլ լինի կհառնի

Մարդկության արշալույսին քաղաքակրթության բարձր մակարդակի հասած հնամյա մեր ժողովուրդը հազարամյակների իր պատմության ընթացքում բազում արյունոտ դարեր է ապրել։ Սակայն, ինչ վերապրեց հրաշագործ ու հրեշագործ 20-րդ դարում, իսկապես ողբերգական էր։ 1915թ․ Օսմանյան կայսրությունում կատարվեց մարդկային երևակայությանն անհասանելի, նրա բանականությանը խորթ ու անընբռնելի հանցագործություն, որն արդի դարաշրջանի քաղաքական լեքսիկոնում հայտնի է եղեռն, ձեռնոցից, ցեղասպանության սահմռկեցուցիչ անուններով։
Դարերի խորքից եկած մի ժողովուրդ ենք մենք՝ հայերս, որ յուրաքանչյուր 100-ամյակի վրա տառապանքի արյունոտ կնիքով ենք ստորագրել հարատևելու, հայ մնալու իրավունքի։
Եվ ինչքան էլ օտարները փորձեն մեզ միաձուլել, կոտրել մեր մեջքը, քանդել մեր եկեղեցիները, միևնույնն է մենք չենք ծնկելու օտարի առաջ, մենք աղոթելու ենք, արմատներ ենք տալու և շատանալու, մենք կանք, պիտի լինենք ու դեռ շատանանք։